Меню раздела
Актуально
|
Главная >> Сервисы >> Архив новостейАрхив новостей
27.06.2023 “Шануем мінулае, захоўваем сучаснасць, верым у будучыню”Патрыятызм як з'ява зараджаецца разам з дзяржаўнасцю. Асноўная задача грамадзянска-патрыятычнага выхавання-гэта выхаванне гонару за сваю зямлю, любоў да роднай мовы і культуры, павага звычаяў і традыцый беларускага народа. Дадзеная задача будзе рэалізавана праз грамадзянска-патрыятычны праект летняй аздараўленчай змены “Шануем мінулае, захоўваем сучаснасць, верым у будучыню”.
Славянская міфалогія заварожвае сваёй разнастайнасцю і незвычайнасцю. А сучасныя дзеці, на жаль, ёю амаль не цікавяцца. Як жа паправіць сітуацыю? Адказ ведаюць педагогі 2 змены аздараўленчага лагера “Чайка”. На гэтай змене на кожным агульналагерным мерапрыемстве галоўным госцем будзе якісьці міфічны герой ці прадстаўнік плеяды старажытных багоў. Лесавік , Хатнік, багіня Лада, Велес і многія многія іншыя запросяць рабят XXI стагоддзя ў чароўны свет беларускага “фэнтэзі”. Напрыклад, традыцыйнае для летняга дзіцячага лагера свята “Дзень Нептуна” стане па-сапраўднаму традыцыйным, бо валадарыць на ім будзе Вадзянік, у якога верылі нашы далёкія продкі, які быў героем верша М.Багдановіча.
На працягу ўсёй тэматычнай змены ўдзельнікі і арганізатары праекта жывуць згодна з ужо складзенымі законамі і традыцыямі лагера, і дзейнічаюць паводле сваіх роляў. За пэўныя якасці, праяўленыя ў ходзе кожнадзённых выпрабаванняў і прыгод атрадам уручаюцца грашовыя адзінкі “Міфікі”, а пераможцу-атраду яшчэ і татэм-берагіня “Баба Йага” і фрагмент карты скарбаў. З першых дзен знаходжання ў лагеры відавочна зацікаўленасць і актыўнасць выхаванцаў, вызначыліся першыя лідары. Прысутнічае не толькі дух спаборніцтва, але і дух здаровай канкурэнцыі і падтрымкі.
Ведаць сваё, шанаваць сваё, ганарыцца сваім – гэта і ёсць патрыятызм, якому надаецца так шмат увагі ў нашай краіне. Толькі выхаванне патрыятызму на гэтай змене не будзе яўным: дзеці нават і не заўважаюць, як становяцца бліжэй да культуры і традыцый, гістарычнай спадчыны свайго народа, сваіх продкаў, вытокаў беларускай культуры.
Камейша Вольга, старэйшы выхавальнік 2 змены
|
Полезная информация
Счетчик
|