Меню раздела

Актуально

Архив новостей

22.02.2024
Дзень роднай мовы ў Сярэдняй школе № 2 г. Ляхавічы

Штогод 21 лютага ва ўсім свеце адзначаецца Міжнародны дзень роднай мовы.

Моўная разнастайнасць – велізарны здабытак і непаўторны вынік творчасці чалавека. Мова забяспечвае непарыўную сувязь паміж мінулым, сапраўдным і будучыняй. Таму вельмі важна прывіваць у вучняў любоў і павагу да роднай мовы.

Дэвіз гэтага дня: “Роднай мове дай разгрузку: размаўляй па-беларуску”.

Мэтай праведзеных мерапрыемстваў стала развіццё пазнавальнай і творчай актыўнасці вучняў, выхаванне павагі да самабытнасці роднай мовы.

У Сярэдняй школе № 2 г. Ляхавічы дзень пачаўся з акцыі “Вітаемся на роднай мове”. Вучняў і настаўнікаў сустракалі і віталі па-беларуску, віншавалі са святам, жадалі добрага настрою і частавалі цукеркамі с пажаданнямі.

На перапынках на кожным паверсе школы былі арганізаваны забаўляльныя прыпынкі для вучняў рознага ўзросту.

На другім паверсе працаваў прыпынак “ З дзяцінства з роднай мовай” для вучняў 3-6 класаў. Вучні адгадвалі загадкі на роднай мове, складалі з прапанаваных слоў прыказкі і прымаўкі. Самыя актыўныя атрымлівалі салодкія пачастункі.

На трэцім паверсе прайшла акцыя “Каб мова родная гучала”. Вучні паказалі сваё веданне цікавых, прыгожых і любімых імі слоў на беларускай мове. Яны запісвалі іх на лісточкі і ўпрыгожвалі імі дрэўца. І хочацца адзначыць, што словы былі вельмі разнастайныя, што гаворыць аб тым, што слоўнікавы запас у вучняў нашай школы цудоўны.

На чацвёрным паверсе школы прайшла гульня “Беларуская кухня “ Вучням прапанавалі “прыгатаваць “ страву з прапанаваных інгрэдыентаў і назваць із па-беларускую. Вучні з задавальненнем “гатавалі” вядомыя стравы, а некаторыя прапаноўвалі свой рэцепт. Гульня атрымалася вельмі забаўляльная.

Падчас правядзеня мерапрыемстваў вучні праявілі эрудыцыю, кемлівасць і актыўнасць, яшчэ раз упэўніліся наколькі багатая і прыгожая, мілагучная і самабытная беларуская мова.

Якія цудоўныя назвы і словы,

Якая цудоўная родная мова!

І ўсё мелагучна для слыху майго:

І звонкае “дзе” і густое “чаго”…   П.Панчанка