Меню раздела

Актуально

Архив новостей

05.11.2024
Майстар-клас для педагогаў

Майстар-клас для педагогаў Ляхавіцкага раёна правяла галоўны рэдактар навукова-педагагічнага часопіса “Народная асвета” Святлана Мазурына.

Падчас майстар-класа "Інфармацыйная культура педагога: падрыхтоўка матэрыялаў для публікацыі ў навукова-метадычным часопісе" галоўны рэдактар азнаёміла педагогаў з інфармацыйна-метадычнымі рэсурсамі часопіса "Народная асвета", спецыфікай падбору і рэдагавання артыкулаў, прыёмамі сістэматызацыі дыдактычных матэрыялаў у працэсе абагульнення вопыту работы як асобнага настаўніка, так і ўстановы адукацыі ў цэлым для адлюстравання ў педагагічных СМІ.

Вялікую зацікаўленасць аўдыторыі выклікала практычная работа па прымяненні алгарытму падрыхтоўкі навукова-метадычнага артыкула, фармулёўцы яго тэмы, складанні плана і падбору ілюстрацыйнага матэрыялу.

- Такія майстар-класы арганізоўваюцца для педагогаў сістэмы прафесійна-тэхнічнай адукацыі ва ўсёй рэспубліцы, - расказала Святлана Мазурына. – Мы абмяркоўваем, як працаваць з інфармацыйнымі рэсурсамі газет и часопісаў Выдавецкага дома “Педагагічная прэса”, а таксама разбіраем алгарытм падрыхтоўкі публікацый.

Яго ўдзельнікамі сталі намеснікі дырэктараў па вучэбнай рабоце, метадысты і педагогі ўстаноў адукацыі.