Главная >> Сервисы >> Архив новостейАрхив новостей
22.01.2019 “Радавод” збірае сяброўРаённы этап VII адкрытага абласнога фестывалю фальклорнага мастацтва «Радавод» сабраў сваіх шматлікіх прыхільнікаў 19 студзеня 2019 года ў актавай зале сярэдняй школы №1 г.Ляхавічы. Фальклорныя калектывы з шасці ўстаноў адукацыі раёна наладзілі сапраўднае свята народнай творчасці. Тут можна было пабачыць мясцовыя побытавыя танцы, гульні і забаўлянкі, паслухаць прыгожыя песні, у тым ліку і ў стылі фольк-мадэрн, дазнацца пра абрады і звычаі.
Выступленні ўдзельнікаў былі адзначаны дыпломамі аддзела па адукацыі Ляхавіцкага райвыканкама ў наступных намінацыях:
“Лепшы выканаўца народных побытавых танцаў” – фальклорны гурт “Весялушкі” Ліпскай сярэдняй школы, кіраўнік Дыдышка Святлана Віктараўна;
“Лепшы выканаўца фальклорных спеваў” – фальклорны гурт “Кужалёк” сярэдняй школы №1 г.Ляхавічы, кіраўнік Сідор Наталля Мікалаеўна; фальклорны гурт “Забаўляначкі” Крывошынскай сярэдняй школы, кіраўнік Буцько Вольга Міхайлаўна; фальклорны калектыў “Спадчына” Навасёлкаўскай сярэдняй школы, кіраўнік Пішч Таццяна Аляксееўна;
“Лепшая гульнёвая праграма” – фальклорны калектыў “Вытокі” гімназіі г.Ляхавічы, кіраўнік Ушко Святлана Ігараўна; фальклорны калектыў “Купалінка” Тальмінавіцкай сярэдняй школы, кіраўнік Балабушка Ірына Аляксандраўна.
Падрыхтаваныя на раённы этап фестывалю праграмы стануць асновай для ўдзелу фальклорных калектываў устаноў адукацыі Ляхавіцкага раёна ў занальным аглядзе, які пройдзе ў сакавіку 2019 года ў Палацы дзіцячай творчасці г.Баранавічы.
|